IGIA nung tetsür ka hon bener apu

New Delhi, Oct. 26: Tetsür kati sen lakh 25 alang hon India-i shibelentsü lia Indira Gandhi International Airport (IGIA) nung apu.
Tetsürla ya Amritsar nungi lir aser la Honibar nü Dubai nungi India arua tongli customs official temi apu.
Lai item hon ji lai asemba tuluben talang agi sembanger aru. Lai hon bena aliba memetetdaktsütsü meji seret odangba nungi jenbutsü merangdang, ta customs sangdong ka ajanga ashi.
Lai bena aliba honji sen lakh 24.95 alang liasü, ta sangdong ajangasa ashi.