IIFA 2017 nung Ae Dil Hai Mushkil, MS Dhoni: The Untold Story na nomination timba lir

Mumbai, May 20(Agencies): 18buba International Indian Film Academy (IIFA) Awards nung Karan Johar indang film “Ae Dil Hai Mushkil” timtiba nominate süa lir. Iba film shilem 8 tashi nung sempet angutsü asoshi maongka lir aser iba sülen “M.S. Dhoni: The Untold Story” nomination 7 nguteta tanabuba jenjang nung lir.
Iba film anaprongla Best Picture trophy atema Neerja, Pink, Sultan aser Udta Punjab film tem den tokteptsü.
IIFA nung nüngtugu category tem indang nomination tem Hokolbarnü osang ka ajanga sangdonga liasü. Alima ajunga nungi vote asütsüba Honibarnü nungi tenzüktsü aser June ita 18 tashi nüburtemi vote sütettsü.
Anogo ana IIFA benjungmong July 14-15 New York, MetLife Stadium nung amongtsü asoshi renema lir. Iba benjungmong ya Wizcraft International Entertainment-i produce asütsü aser iba benjung nung film celebrity tem aikati shilem agitsü.
Teburtem Best Actor in Leading Role Nominees tem rongnung Udta Punjab film atema Shahid Kapoor, Ae Dil Hai Mushkil film atema Ranbir Kapoor, Fan film atema Shah Rukh Khan, M.S. Dhoni film atema Sushant Singh Rajput, Pink film atema Amitabh Bachchan aser Sultan film atema Salman Khan. Kasa shilem nung tetsürtem rongnungi; Ae Dil Hai Mushkil film atema Anushka Sharma, Dear Zindagi aser Udta Punjab film tem atema Alia Bhatt, Neerja film atema Sonam Kapoor aser Pink film atema Taapsee Pannu alitsü.
Best Director nomination nung Johar (Ae Dil Hai Mushkil), Neeraj Pandey (M.S. Dhoni…), Ram Madhvani (Neerja), Aniruddha Roy Chowdhary (Pink), Ali Abbas Zafar (Sultan) aser Abhishek Chaubey (Udta Punjab) ta alitsü.
2017 IIFA benjungmong nung nungtugu actortem aser kentenertemi shilem agiba angutsü.