IIIT Amendment Bill 2017 agizükogo

New Delhi, August 04 (Agencies): Brihostibarnü Rajya Sabha nung Indian Institute of Information Technology (IIIT) (Amendment) Bill, 2017 agizükogo.
Osangbener den jembidang Human Resource Development (HRD) Union Minister, Mahendra Nath Pandey-i, India nunger IIT proposal pongu benok, aser iba nungjagi pezübo agizükogo, ta metetdaktsü.
Paisa, IIT Allahabad, IIT Jabalpur, IIT Gwalior aser IIIT Kancheepuram-i iba temelaba nguogo, ta ashi.
“Andhra Pradesh lemdangba sülen state yanglushidang nangzükba ama ozü sorkari inyakogo,” ta paisa ashi.
Iba Bill ya Parliament House anaprong nung agizükogo.
“Kancheepuram nung tesayurtemi mapa tenzükogo aser kaketshir 113 admission agiogo, iba den külemi Andhra Pradesh, Karnoon District nung building tasen yanglu tenzükogo,” ta paisa ashi.
Iba dak alia Parliament nung Banking Regulation Amendment Bill aser Punjab Municipal Corporation Law (Extension to Chandigarh) Amendment Bill-a agizükogo.