IIT-BHU nung Atos-i supercomputer amenoktsüogo

Tsüklai/February 23 (Agencies): Alima nung Digital Information maparen inyakba tsütsü company tetsüti Atos-i, India nung parnok mezüng supercomputer amenoktsüba sangdongogo.
BullSequana, koba Indian Government’s National Supercomputing Mission (NSM) shilem ama mezüng supercomputer IIT-BHU, Varanasi nung amenokogo aser aji India Ato Kilonser, Narendra Modi-i lapokja liasü.
‘Param Shivav’ ta nüngja agütsüba supercomputer ya C-DAC (Centre for Development of Advanced Computing), MeitY (Ministry of Electronics & Information Technology, India) nung tentet ka aser Atos na tsüngda küm 3 atema tezüngzüktep yangluba shilem ka asütsü.
Iba supercomputer amenoktsü atema Government of India leniba kübok sen crore 4,500 (~650M$) endoka küm 7 tashi NSM (National Supercomputing Mission)-i asalentong yanglua liasü. Tang iba supercomputer ajanga India kübok academic aser research institution balala atema high-performance supercomputing facility 70 dak tema network agütsütsü.
Iba supercomputer nung processors aser accelerators tasentem keta lir koba ajanga optimal performance agütsür aser energy efficiency asütsü.
India nung iba supercomputer ya talisa academic project tem aser research wadang nunger nung amshitsü.
“IIT-BHU nung bushisüngdanger indang digital simulation project karadaktsütsü atema BullSequana supercomputer ajanga nungittsü aser ibaji jagi onok nüma atanger. Iba supercomputer amenokba ajanga France aser India na tsüngda tesendaktep tajungba yanglushiba indang temaitsü sayur aser iba denji külemi HPC atema India nung jenjang ka yanglur,” ta Atos, Big Data & Security, Chief Operating Officer Pierre Barnabé-i ashi.