IIT Guwahati-i PM agizüktsü atema renemer

Guwahati, January 17 (Agencies) : January 19, 2016 nü Prime Minister Narendra Modi arutsü atema IIT-Guwahati nung kanga mazüngi mapa inyaker.
Modi-i IIT-Guwahati, Gauhati University aser Cotton College nungi faculty members aser kaketshirtem den sensak asemtsü.
“Tang onok Prime Minister agizüktsü atema mapa inyaker. Pai northeast nung aliba higher educational institute balala nungi kaketshirtem den sensak asemtsü. Iba sentong nung nisung 6,00 anidentsü atema onoki nükjidong yua lir” ta IIT-Guwahati public relations officer Labanu Konwar-i osangbener dang ashi.
IIT-Guwahati ketdangsertemi ashiba agi, Modi-i live webcast ajanga northeast nung higher education kaketshirtem den sensaksemtsü aser live webcast ajanga kaketshirtemi asüngdangbatem Modi-i langzütsü.
Prime Minister Modi’er constituency, Varanasi nungi kaketshir ka IIT-Guwahati nung azünger aser laji Shweta Gupta lir.
Lai ashiba agi Modi-i IIT-Guwahati semdangba ajanga northeast nung lanurtem ajungmesotsü aser PM-i tenzükba mapatongtem – like Swachh Bharat Abhiyan, Digital India Campaign aser Unnat Bharat Abhiyan nunger takok ngua inyaka otettsü.