IIT-Guwahati nung azünger kaketshirtemi gari yanglu

Kolkata, March 22 (Agencies): Tesem tetemsü aser tajung nung gari asemtepba sentong temabai ajungkettsü nükjidong nung IIT-Guwahati nung azünger kaketshir telok kati gari tasen ka yanglutet. Iba gari yagi second 5-6 nung 0 – 60 km/h tashi jajateter.
Iba gari nem tesangwa dang tekeraba jajaba oset ‘Tachyon’ tenüng agütsü aser 2015 küm October ita nungi iba gari ya mechanical engineering azünger kaketshir 27-i yanglu tenzük.
“India nung ‘Formula racing’ yimya mamshir. Gari asemtepba saburtem nisung aikati yimdong nung asemteper. Anungji tesem tetemsü nung gari asemteptsü asoshi onoki nüburtem ajungshinür,” ta iba gari yangluba telok nung züngsem, Nihar Bharadwaj-i osangbener dang Bodbarnü ashi.
Iba gari ya 600cc petrol engine lir aser ghonda ka nung kilometre 110 nungi 120 tashi keraa jajateter.
Coimbatore nung Formula Bharat engineering design sentong ka nung Tachyon-i tanabuba jenjang ngutet.