IIT-JEE (Advanced) nung Chandigarh nungi Sarvesh Mehtani temaba jenjang ngutet

New Delhi, June 11 (Agencies): IIT-JEE (Advanced) engineering tatidang agiba osang Deobarnü sangdongba nung Chandigarh nungi Sarvesh Mehtani-i temaba jenjang ngutet.
Pune nungi Akshat Chugh tanabuba aser Delhi nungi Ananye Agarwal tasembuba jenjang nung iba Indian Institute of Technology tatidang indang takok ngutet.
Mehtani ya IIT Roorkee zone, Chugh ya IIT Bombay zone aser Agarwal ya IIT Delhi zone nungi lir.
Kaketshirtem jenjang 100 nung alirtem rongnungi parnok kaketshir 29 IIT Madras zone nungi, 26 Delhi zone nungi, 25 IIT Bombay zone nungi aser IIT Kanpur zone nungi trok lir.
Taküm JEE (Advanced) tatidang asoshi kaketshir lakh 1.74 tenüng agütsü. Taküm mezüngbuba iba IIT tatidang ya tanga linük trok nunga agi, aser iba ajanga parnok rongnungi candidate 500 tanga linük nungi liasü. Taküm IIT tatidang nung takok angur ajunga tenüng mapang talangka melii sangdongtsü.
IIT nung takok angur kaketshitem nem seat ya June 19 nung lemsatsütsü imlar. Taküm IIT tatidang nung temaba jenjang angurtem kaketshir 11,000 tera majung lir aser parnok ya IIT 23 nung züngdaktsütsü asoshi seat lemtsütsü.
IIT Madras nung iba tatidang ya May 21 nung agi, aser ‘ambiguous’ tasüngdangba asem langzüteter kaketshirtem nem marks 11 tali agütsü. Item tasüngtangba rongnung ana mathematics section aser tasembuba ya physics section nungi liasü.