IIT nung Sanskrit adentsü: Smriti Irani

New Delhi, April 28 (Agencies): Brihostibarnü Human Resource Development (HRD) Ministry-i, Institute of Information Technology (IITs) dang Sanskrit ji elective subject ka asütsü mesüra iba oshi angazükner kaketshirtem atema language course ka asütsüla ta tuyuogo, ta metetdaktsü.
Brihostibarnü Rajya Sabha senden nung tasüngdangba ka langzüdang Human Resource Development Union minister, Smriti Irani-i, taoba mapang Chief Election Comissioner, N Gopalaswami leniba nung committee kati IIT rejutem nung Sanskrit literature nung aliba science & technology adentsü, iba den külemi Sanskrit oshi aser modern subject balala adentsü atema benokogo, ta ashi.
“Item tebenokba onüktem nung ajemdaker IITs dang Sanskrit ji elective subject ka asütsü mesüra iba oshi angazükner kaketshirtem atema language course ka asütsü asoshi mepishiogo,” ta Irani-i ashi.