Iker Casillas-i Real Madrid toktsür FC Porto nung adentsü

Madrid, July 12 (Agencies) : Real Madrid-i Portugul club FC Porto den goalkeeper aser captain Iker Casillas yoktsü atema tenangzüktep agiogo ta Real sangdong ka ajanga metetdaktsü.
Casillas tanur asüdang nungi züngsemer intetba club toktsür aotsü telemtetba agiogo. 1990 küm pa arishi küm 9 asüdang Real Madrid youth academy nung aden aser iba sülen season 16 tashi asayayonga arudang takok marok 19 ngutetogo.
“Real Madrid aser FC Porto na tsüngda Iker Casillas Porto-i aotsü atema tenangzüktep agiogo” ta Real Madrid sangdong ka ajanga metetdaktsü.
“Iba club nung goalkeeper tajungtiba rongnung ka club toktsür aoerba masü, tanü club otsü aser Spanish football otsü nung goalkeeper tajungtiba pa football wadang nung sabang balaka agi aoer” ta sangdong nungsa shia lir.
Casillas-i Spain tenüng nung asayadang World Cup ka aser European champion anaben tashi takok nguogo. 1999 nung pa Real Madrid nung asayatsü tenzükba sülen Spanish takok marok pungu, Champions League takok asem aser King’s Cup takok anaben tashi nguogo.
Arishi küm 34 tain Casillas-i Real Madrid den contract tembangtsü atema ano küm ana anünga lir saka Real Madrid-i Manchester United nungi Spanish goalkeeper David de Gea anioktsü atema jangrar.