ILP Committee dang pelar: JCPI

Kohima, February 14 (TYO): Abhishek-i aniba ILP Committee-i state sorkar nem tebilemba onüktem agutsüba atema JCPI-i pelar, ta tanü Media Cell, JCPI-i sangdong ka ajanga metetdaktsü.
JCPI-i Committee report ji mangu aser committee-i bushitetba nungji kecha ashitsü makok, ajisüaka JCPI-i Dimapur district ajak ILP küboki aitdaktsütsü akhangba nungbo atsü-anem mesütettsü, ta JCPI-i metetdaktsü.
Dimapur district nung ILP dak alia JCPI dang mapa küma benoktsü atema item onük kar enoksemtsü ta metetdaktsüogo;
* Nagaland Indigenous inhabitants (notification No. AR-8/8/76 dated April, 1977) kübok Nagaland nung lisopur nütsüng züngdangtsü.
* ILP junga benoktsü atema ILP/BEFR indang Standard Operation Procedure renemtsü.
* ILP agutsübaji electronic ajanga sendakteptsü, koba ajanga ILP alirtem oli-oraba ajak mittsü aser tim mesüi ILP amshiba nokdangtsü.
* Disturbed Area Belt densema Dimapur district nung aliba entry point ajak nung checkpoints amenoktsü.
* Home Dept. kübok ILP permanent cell tentettsü. Iba cell ajanga ali/patta registration ketdangsertem aser driving licenses, trade licenses agutsüba depts. tsüngda sendakteptsü.
* Tashishitsü aliba nisungtem aser data bank nung tenüng malirtem automatic ajanga Indigenous inhabitant certificates/TLs/DLs thitsütsü.
“ILP Committee-i, Dimapur ya ILP zone küboki aittsü atema legal tenokdangba mali, ta jangjajangja metetdaktsügo. Committee-i bushitetbatemji sorkari mapa küma inyakra Naga nunger ajaki aser tarutsü lanuputi pelatsü. Ajisüaka sorkar aser lokti tentettem tsüngda mangatettep malitsü atema committee-i bushitetbatemji mapa küma meinyakdangyongi sorkari tamang kateta JCPI nem metetdaktsüra ajungtsü,” ta JCPI-isa metetdaktsü.