ILP shidak bena maliba atema nisung 68 apu

Aizawl, February 28 (Agencies): Mizoram police tesem balala meita aoba mapang inner line permits tejangja bena maliba non-tribal pa 68 puogo, ta Aizawl district Police o tongdar-i tanü ashi.
Yashi meita aoba mapang parnok non-tribal nisung 68 apur rongnungi parnok 20 local court-i jiokogo, ta o tongdar-i ashi.
Pai ashiba agi, Bengal Eastern Frontier Regulations (BEFR), 1873 kübok parnok 48 aitsüogo, aser parnok Assami yashi nikongtsütsü yokogo.
BEFR kübok aliba ama non-tribal tem Mizoram dena ILP mebeni tribal tesemtemi meitettsü.