New Delhi, December 22 (Agencies): Kiralongrar telok, Indian Mujahideen (IM) nungi samar aliba züngsem ana ISIS kiralongrar telok nung denogo, ta tanü Lok Sabha senden nung sorkari metetdaktsü.
Lok Sabha nung tasüngdangba ka langzüdang Minister of State for Home, Haribhai Parathibhai Chaudhary-i, “India nung küm aika samar aliba Indian Mujahideen züngsem ka-ana ISIS/ISIL nung adenba Intelligence osang ajanga metetdaktsüogo,” ta ashi.
Chaudhary-isa, SIMI züngsemtemi Nepal nung tejenoktak bushir ta asüba Intelligence osang mali, ta metetdaktsü.
“Ajisüaka Indian Mujahideen züngsemtem Nepal, Gulf aser Pakistan nung jenokba osangtembo lir,” ta paisa ashi.
IM züngsem ana ISIS nung denogo: Sorkar added by asungba on
View all posts by asungba →
You must be logged in to post a comment Login