IMA-i medical workshop ayongzüka katsü

Dimapur, Rongchii/April 29 (TYO): Indian Medical Association (IMA), Nagaland state branch-i Zunheboto district nung tang mezüngbuba angati agi Laparoscopic surgical aser Gynaecology workshop den CME’ ayongzüka katsüogo. Iba sentong ya Hezukhu Memorial hospital aser Rochill hospital Zunheboto nung April 25 nungi 27 tashi agia liasü.
Dr. Kezevituo Keditsu (Gynaecologist, Putuonuo nursing home, Kohima & Indian Medical Association President, Nagaland) aser Dr. Victo A Wotsa (Gynaecologist & MD Nikos Hospital Dimapur) lenisüba kübok iba camp ayongzüka katsüogo. Maneni Zunheboto district nung doctor tem den Dr. Tseilhoutuo Angami (Surgeon, Kohima), Dr. Keneilhoulie Medom (Anaesthetists, Kohima), Dr. Imsulemba Jamir (Anaesthetists, Mokokchung) aser Dr. Aoakum Kichu Radio oncologist Eden hospital Dimapur nungeri Laparoscopic surgical camp nung shilem agiogo.
Camp mapang nisung ajak agi parnoki 38 surgery agia liasü. Parnoki iba amala sentong ayongzüka katsüba atema Doctors aser IMA tenüng asangba den sensakertemia iba amala maongka agitettsü asoshi tarutsü nunga item amala sentongtem ayongzüka katsütsü mepishia liasü, ta ketdangser sangdong ka ajanga metetdaktsü.