IMCT-i Peren District semdang

Peren, Rongchii/April 22, 2022 (TYO): Hokolbarnü, Adviser, Department of Agriculture & Farmers Welfare, Ruchika Gupta-i anir Inter-Ministerial Central Team (IMCT) den Under Secretary, Ministry of Rural Development, Deep Shikhar Singhal, aser Research Officer, Sansad Marg, Dr. Md. Faisal Abdullah nungeri Peren District semdanga liasü, ta sangdong ka ajanga metetdaktsü.

Peren District nung tsüngsarusa ajangshiba asadangtsü atema Jalukie nung IMCT-i Administrative Officers aser Department balala nungi tekolakpur den senden ka mena liasü.

Iba senden nung Agriculture, PHED aser Fishery Department temi team dang district nung tsüngsarusa/tzünglu peria marudang timtem balala ajangshiba aser mera balala agiba metetdaktsü.

Iba sentong nung, ADC Peren, Keyirangding Hegui-i telok pela agizük. Sentong temer sülen IMCT-i Mhainamtsi, New Jalukie aser Nkwareu Village semdanga liasü, ta kasa sangdong ajanga ashi.