IMDH nung angati ‘Sterilization & Copper-T insertion camp’ ayonger

Mokokchung, Nov. 26 (TYO): District Health Society Mokokchung-i achaayanga tetsür tebur naprong atema ‘free sterilization’ aser ano tetsürtem atema ‘free copper-T insertion’ camp ka Mokokchung Civil Hospital (IMDH) nung ayongzüka lir, ta November 26 nü Mokokchung Chief Medical Officer, Dr. P. Medemmayang-i sangdong ka ajanga metetdaktsüogo.
Iba camp ya December 4, 2018 tashi kayonga aotsü aser ibai angati dang lir. Anungji, Mokokchung district nung aliba nübur ajaki iba maongkaji agitsü ayongzüker, ta paisa ashi.
Kari danga iba camp dak sendakba nung osang tejangja metetnüra nüngdakbapurtemi Dr. Ademla (Sr. Gynecologist IMDH) – 9436006352 aser Dr. Chubasanen (Sr. Surgeon IMDH) – 9436005094 na den tongteprateptsü akok, ta paisa shisem.