Imphal districts nung curfew agien; mobile internet lapoktsüogo

Imphal, Feb. 15 (Agencies): Bodhbarnü Rajya Sabha senden tembangba sülen June 3 nü Citizenship (Amendment) Bill süitsü lia Imphal East aser West districts ajak nung curfew ozüng agienba den külemi state tesem ajak nung mobile internet services lapoktsüogo.
CAB ya Mongolbarnü benoktsü atema Business Advisory Committee-i lemtetba nung ajemdaker longkak aitba ajanga Imphal districts ana nung curfew ozüng benok, aser Hombar anepdang nungi mobile internet services shibangja liasü.
Tang New Delhi nung alisang Manipur Chief Minister, N Biren Singh-i, iba bill mebenokba ajanga BJP-i aniba NDA sorkari northeast nüburtem atema bilemtsüba aser züngshiba sayur, ta metetdaktsü.
Bodhbarnü Rajya Sabha nung iba bill mebenokba sülen Manipur People Against Citizenship Amendment Bill, 2016 (MANPAC)-ia longkak aitba anena liasü.