Imphal nung PREPAK-RA telungpur ka apu

Imphal, July 29 (Agencies): Deobarnü NIA, 6 Assam Rifles, 30 Assam Rifles aser Manipur Police commando telok kati People’s Revolutionary Party of Kangleipak-Red Army (REPAKP-RA) züngsem ka apu.
“Osang tejangja angazükba nung ajemdaker NIA, 6 and 30 Assam Rifles aser Manipur Police commandos-i Imphal East district kübok Wangkhei-Kongba tesem nung PREPAK-RA züngsemji apu” ta Imphal East SP Yogeshchandra Singh-i osangbener dang ashi.
Iba nisungji Leimapokpam Ibomcha Singh ta jangjaogo. Yashi nikongtsütsü 5:15 ako meta Kongba Ayangpalli Road Crossing nung pa apu. Pa ket nungi prangpong-injangtem ngutetogo, ta Singh-isa ashi.
PREPAK-RA telungpur ket nungi AK Rifle ka den magazine, Lethod Gun ka, 2.9 mm pistols den magazine 4, AK-56 injang round 43 aser 9mm injang round 7 apu.