Imphal shishilembadak tesem nung bomb apok

Imphal, March 09 (Agencies): Imphal nung Singjamei Super Market anasa Brehostibar nikongdang 4:20 ako meta IED ka apok, saka nisung kata masü.
Bodbarnüa Manipur Assembly election tanabuba shilem tembanger ghonda ka majungdang Kasturi Thong tesem nung bomb ka apok aser iba lendong nung nisung 8 yiru.
Manipur nung district asem kübok polling station 34 nung mitkartem tanüker peria yur vote tanaben agütsüshi.
Election mapang tim masüba yimya amshiba ajanga vote tanaben agütsütsü asoshi Election Commission ajanga Mongolbarnü tetuyuba agütsü.
Manipur nung election agiba osang ya Deobarnü sangdongtsü lir.