Impur nung ABAMYD Triennial Conference alitsü

Dimapur, September 30 (TYO) : Ao Baptist Church Council Youth Department (ABAMYD) 4 buba Triennial Conference October 2-4, 2015 nung alitsü.

Iba mungdang ya Centennial Memorial hall, Impur nung agitsü aser Youth Skill exhibition, Bible Study ama shilemtem den Youth Director, Crusaders, Cross Road aser Cadet teloktem lemsar workshop agitsü.

October 3 aser 4 nikongtsütsü nung sempet salaba sentong agitsü aser iba mapang arogo balala nungi lanurtemi shilem agitsü.

ABAMYD 4 buba Triennial Conference nung tongti o jembirtemji, Rev. Dr. Kethozelhou Keyho, General Secretary NBCC, Ben Longchar, Life Transformation College International Siliguri, Dr. Aotemshi, Asst. Professor FAC aser Sashila Ozukum, Administrator Hope Academy, Dimapur nungertem alitsü.