Impur nung “Global Hand Washing Day” mungogo

Mokokchung, October 15 (TYO): October 15, 2015 nü Mokokchung district tesem balala nung Global Hand Washing Day mungogo, aser India ya linük temerük ka kümdaktsütsü nükjidong ataloktsü atema yimtsüng aser tesem ajaklen ‘Swachh Bharat Mission’ osang sangdongtsü nangzükogo.
Swachh Bharat Mission kübok WSSO, PHED Mokokchung Division-i Clark Memorial higher Secondary School, Impur nung sentong ka ayongzüka liasü aser iba sentong nung kaketshir aser tesayur 300 dak tema denogo. Iba sentong nung tetushi tejaokerji ABAM Executive Secretary, Rev. Dr. Mar Atsungchanger liasü.
Iba sentong nung jembidang Rev. Dr Mar-i kaketshirtem danga lokti aliba tesem kecha memenentsü atema tenangzükba agitsü aser sapon agi teka shitokba yimya sübatsü ajungshia liasü.
Sentong nungsa Consultant, Limasenla Longkumer-i teka shitokba tasa/mera tenet sayuba den külemi anogomung teratet lemsatepa liasü.