Impur nung P4 Training sentong agi

Impur, August 7 : Impur nung anogo pezünü (July 4 – 7, 2015)  P4 Training sentong agidang shisalen sayurtem Dr. Aotemshi (abelen) aser Mr. Tiatoshi (achiji) na noksa nung angur. Ao Arogotem nungi lanur lenir 69 tashi arua iba sentong nung aden. Iba P4 (Personal, Programming, Planning, Pastoral) Training nung adenba ajanga lanur lenirtemi lanur wadang tajungba nung ayimjema inyaka aotsü tangazükba tajung aika nguogo. Ano iba sentong nungsa tanü alima melenshia aoba den külemi lanur wadang inyakyim koda melenshia tajungba nung inyaka aotsü ta asüba tesayuba tajung agüja liasü.