Impur nung Sunday School tesayur training agir

Impur, Jan. 22,  2016 (TYO) :  Langpangkong area nung aliba Arogo nung Sunday School Tesayurtem atema ABAM Literature & Education Department Sunday School Ministry-i ayonga Impur nung 22nd Jan. 2016 aonung nungi tenzüka Training kataki.
Mezüngbuba sentong nung Mr. T. Apok Jamir, Literature & Education Secretary, ABAM ajanga Tsüngrem O jembi.
Tanü tananübuba anogo nung  Mr. Chubatemjen, Sunday School Promoter, ABAM ajanga “Temang Rangpen Ainba” aser “Taküm Yimyatem” onük nung ajemeter shisalen tajung aika sayua liasü.
Sentong nungsa Class balala lemsar shisalen sayurtemi tesayuba tajung aika agüja liasü.
Iba sentong nung Ken sayuba aser Tsüngrem nüngsang ken atenba sentong Tuli Lenden Arogo Christian Education Departmenti anir kanga dang junga aser temoatsü ngua agidaki. Iba sentong Jan. 24, 2016 aonung tembangtsü.