Imran Khan’er party-i PM Modi jaoktsü akok

New Delhi, Chiteni (July) 31 (Agencies): Pakistan nung Tehreek-i-Insaf (PT)-i Luroi (August) 11 nü PM-elect Imran Khan tezüngzüktep agiba sentong nung Prime Minister Narendra Modi adentsü jaoktsü bilemer ta osang angazüker.
Tehreek-i-Insaf (PT) party-isa South Asian Association for Regional Cooperation (SAARC) linüktem nung Prime Minister ajak jakoktsü sentong atongdar. Taruba anogo ishika tsüngda iba atema telemtetba ka agitsü.
Iba mapa ya inyakra, PM Modi-i 2014 küm India-i SAARC lennirtem jaokba den kasa asütsü. Modi-i PM inyaktsü tezüngzüktep agiba sentong nung taoba Pakistan PM Nawaz Sharif aden.