Imtijungla Longchar indang kaket 19 buba saya

Dimapur, October 21 (TYO) : October 21, 2016 nü Muffets Pantry, Dimapur nung Wt. Imtijungla Longchar- züluba kaket 19 buba sayaogo.
Iba kaket ya “The Richest Woman” lir aser tanü Rev. Narola-i iba kaket sayaja liasü. Rev. Narola ya taoba All India Baptists Women Union President & taoba Nagaland Baptist Church Council nuga women secretary liasü.
Wt. Imtijungla ya tesayur ka, kaketzülur, sayutsüngir aser lanurtem, tetsür aser kibong atema shisalen agütsür mongin nisung ka lir. La aser la kinungbo S. Wati, Associate Professor, Discipleship Bible College nati Voice of God Ministries ketdangsüa repranger.
“The Richest Woman” kaket indang jenjangji sen 100 lir aser North East India ajungalen Christian book stores nung angutsü.