Imtikümzük asüba atema mangyimer: DAYO

Dimapur, Rongchii/September 24 (TYO): Asen lenir, Agriculture & Excise Advisor, Imtikumzük anojungi asüba atema Dimapur Ao Youth Organization (DAYO)-i jashia mangyimer, ta tanü DAYO Tir, K. Longri Imchen aser tongti tezülur, Meyatoba nati sangdong ka ajanga metetdaktsü.
“Asür, Imtikumzuk ya ochishir aser lenir tajung ka liasü, aser pai asen lokti ajungkettsütsü atema nüburtem, talisa lanurtem tenzüka aruogo. Pa ajungbena asüba ajanga lanurtem atema ongdang ka adokogo,” ta DAYO-i metetdaktsü.
“DAYO-i mangyimer kibong den mangyim jashi lemsateper, aser asür tanela tesünep nung anisüngzüktsü atema sarasademtsür,” ta parnokisa lemsatep.