Imtikumzuk Dy. Speaker asütsü

Kohima, Jul 20 (TYO) : Nagaland Legislative Assembly nung Congress MLA Imtikumzuk Deputy Speaker asütsü asoshi shimtsü atema mapa ajak renema lir.
Nagaland tatar senden July 21 nungi tenzüka anogo tenet nü amentsü sentong adoka lir aser iba senden sentong mezüng anogo nung Deputy Speaker shimtsü lateta lir.
Iba Deputy Speaker post nung alisang Independent MLA Levi Rengma nem tawa Parliamentary Secretary menden agütsüba atema pai iba mendenji April 26 nü toktsü. Iba anogo nung jagi tanü tashi Deputy Speaker menden tazüng liasü.
Iba menden asoshi toktepner atema tenüng agütsütsü aser agüja liaka agientsüba mapangji tanü tashi liasü saka tanü tashi nung Congress MLA Imtikumzuk dak alema tangar shingaia nomination paper magütsü.
Tang amenba tatar senden ya T R Zeliang chief minister ser Opposition maliba sorkar yangluba sülen mezüngbuba asütsü.
Tang ya Nagaland tatar senden nung Congress MLA 8 lir aser parnok rongnung tenetbo T.R.Zeliangi aniba sorkar nung menden kaka agüja lir.
Iba tatar senden nungsa Chief Minister, T.R. Zeliang, shibai Chaplee kilonser mapa dena repsema bena lir, pai 2015-16 küm asoshi senotsü sentong benoktsü.
Iba sentong tenzüka angh P B Acharyai jembitsü.