In-Service Teachers Training tenzüktsüogo

Dimapur, Rongchii/April 29 (TYO): Educational Block Resource Centre (EBRC) Changtongya kübok Elementary tesayurtem atema April 29,2019 nü EBRC Hall Changtongya nung In-Service Teachers Training sentong tenzüktsüogo. Iba sentong ya “Learning outcome (Introduction on Constructivism & Learning Outcome)” omen nung ajemdaker May3, 2019 nü tashi agitsü.
Iba training lapokba sentong nung Toshiwati, TOT menden liasü. DEO Mokokchung, Sademmongla aser DMA, SSA, Mokokchung Project Assistant Wapang nati o tatsütsüm jembi. EBRC Changtongya Co- Ordinator, P. Onen Lkr-i telok pela agizükba o jembi aser sentong tenzüka GMS Akhoya P/T, Limaakum-i sarasadem.
In-Service Teachers Training atema shisalen sayurji Pangertola TOT, Toshiwati, TOT aser Watisangla TOT nunger asütsü. Anogo pezü tashi ayongzükba training sentong nung tesayur 96 agi shilem agidar.