Inclusive Development Index nung India maneni Pakistan kübok lir

Davos/New Delhi, Aenjeti 22 (Agencies): Inclusive Development Index nung India jenjang 62buba nung lir, China jenjang 26buba nung aser Pakistan jenjang 47buba nung lir, ta tanü WEF-i metetdaktsü.
‘World’s most inclusive advanced economy’ mezüngbuba jenjang nung maneni Norway linük lir aser ’emerging economies’ mezüngbuba jenjang nung maneni Lithuania lir, ta tanü World Economic Forum (WEF)-i metetdaktsü.
WEF senden amentsü mapang ana nung lia tanü parnoki iba osang ya sangdong. Iba senden nung Ato kilonser, Narendra Modi aser US Tir, Donald Trump na densema linük balala nungi lenirtem adentsü.
WEF-isa, “Iba index ajanga libaliro jenjang, lipoküm aser tarutsü nung sentsüh tali metsühloktsü atema kümzükba lenlatem nungi asadanger,” ta WEF-i ashi.
Yaküm ‘developing economies’ linük 79 nungi India jenjang 60buba nung liasü, China jenjang 15buba aser Pakistan jenjang 52 nung liasü.
2018 index ajanga alima nung linük 103 indang rongsenkettsüng lenla asem nungi asadanga liasü.
‘Advanced economies’ nung mezüngbuba jenjang nung Norway lir, iba sülen temaba jenjang pongu nung adenba linük pezüji Ireland, Luxembourg, Switzerland aser Denmark linüktem lir. Maneni jenjang 9buba nung Australia lir.
G7 economies nungi jenjang 12buba nung Germany, jenjang 17buba nung Canada, jenjang 18buba nung France, 21buba nung UK, 23buba nung US, 24buba nung Japan aser jenjang 27buba nung Italy lir, ta kasa osang ajanga metetdaktsü.