Incredible India ambassador inyaktsü jangrar: Akshay Kumar

New Delhi, January 18 (Agencies): Actor Akshay Kumar-i küm 30 jungnüa entertainment industry nung shilem agiyonga arur aser pai Tourism Ministry indang Incredible India campaign nung brand ambassador inyaknür, ta shiogo.
Bollywood superstar Aamir Khan-i Incredible India campaign atema Brand ambassador inyaka liasü saka pa anendaktsüba sülen nisung ka shimtsü atema bushiteper.
Aamir melena shimtsüpurtem rongnung Amitabh Bachchan, Deepika Padukone, Priyanka Chopra aser Akshay Kumar nunger tenüng benoka jembidar.
Osangbenertemi Akshay dang Incredible India ambassador inyaknür asü koda ta asüngdangba mapang pai, “Kodaser meinyaknütsü. Iba ya maongka tajung lir aser ni iba mapaji inyaknür” ta langzü.
Hombarnü Akshay-i New Delhi nung pa indang taruba “Airlift” film ajungketba sentong ka nung adentsü arudang iba olen jembia liasü.
1990 nung Iraq nungeri Kuwait agitsü merangdang Kuwait nung aliba India nunger anientsü atema mapa inyakba nung ajemdaker ‘Airlift’ film ya yangluba lir.
Iba film nung Akshay-i Ranjit Katyal indang shilem agir aser India nunger Kuwait nungi anienba mapa nung pai shilem tulu agir.
“India ya linük tulutiba lir aser ibaji onoki iba film ajanga sayunür. Iba film nung nisung 1,70,000 tashi tesem ka nungi tanga kati belenba maparen indang sayur” ta Akshay-i osangbenertem dang ashi.
Iba film nung Akshay den “The Lunchbox” film actress Nimrat Kaur-ia shilem agir.

You must be logged in to post a comment Login