Independence Day nü aluyimer 25,000-i soseta süner

Mathura, August 14 (Agencies): Mathura nung aluyimertem mapang talangka timtema sorkar dang nungi teyari ata-a liasü, aser joko teimla ajak samar parnok 25,000 shi soseta asütsü telemteba agiogo.

Independence Day (August 15) nü soseta asütsü atema aluyimertem jagi shidi ka ajanga Tir Pranab Mukherjee dang temelaba agüjang ta shiogo.

Iba osang ajanga district ketdangsertem shisaboludagi. Yamunu ayong nung tzü tepdang yangluba ajanga Mahavan nung aluyimertem ali nung takoksa tulu ajuruogo aser parnok karbo pei sasa mi agi rongseta asütsü südi, ta ketdangsertem tsübuteper.

Tesüiba hopta asem tashi aluyimertem jagi lumia sorkar dang teyari meshia takhangba agüja aruogo.

Aluyimer lenir ka tenüng agi Kisan Sangh-i, takoksa ajurur alir aluyimertemji district ketdangsertemi sentoker, ta atsü.

Iba dak sentakba nung ketdangser kati, iba ken o ya Allahabad High Court-i reprangdar aser anogo ishika tsüngda telemtetba ka sangdongtsü, ta ashi.

Osang ajanga angazükba agi, ali acre 700 takoksa ajuruba atema aluyimer 25,000 nem temenok sen crore 800 agutsütsüla.