India-a parliamentary senden nung oa dendar

Islamabad, March 14 (Agencies) : Mongubarnü Pakistan nung tenzükba kanga dang tongtiba cabinet senden, Asian Parliamentary Assembly nung India nungi Member of Parliament (MP) asem (3) den linük 23 nungi yimsüsürtem oa dendar.
India nungi MP tem Shashi Tharoor, Meenakshi Lekhi aser Swapan Dasgupta nunger March 17, 2017 tashi akatsü aliba Asian Parliamentary Assembly nung oa lir, ta osangbenertemi metetdaktsü.
Iba senden ya Senate nung mendenbuba Mian Raza Rabbani aser National Assembly nung Speaker Sardar Ayaz Sadiq nati Monglubarnü lapoktsü.
Senate-i ayongba iba senden nung linük 23 nungi delegates 70 den MP aser Speaker temi shilem tajung agitsü imla atar.
Iba senden nung olemteptsü jenti lir aser item rongnung Asian Parliament ka tententsü densema lir, ta osangbenertemi ashi.