India ajaklen nashi metepsettsü ozüng yanglutsüla: RSS

New Delhi, April 09 (Agencies): Deobarnü RSS tongti, Mohan Bhagwat-i India tesem ajaklen nashi tepsetba nokdangtsü atema ozüng ka yanglutsüla, ta ashiba den külemi nashi kümzüker teloktem danga iba shiruru kümzükba mapa inyakdang nija tashi mamshitsü saka ozüng kübok inyaktsü metetdaktsü.
Lord Mahavir asoba anogomung sentong ka nung jembidang RSS tongti, Bhagwat-i, “Onoki India tesem ajaklen nashi tepsetba nokdangdaktsüner,” ta ashi.
RSS lenirisa, nashi kümzükba mapa inyakdang ozüng kübok tashi angaa inyaktsüla, ta ashi.
“Nashi tepsetba anema inyakdang tim mesüi inyakra ibaji ajanga iba mapatong tenüng menüktsür, anungji ozüng sülen anidaktsüla,” ta paisa ashi.