India anüdoklentip tsütsü kanga atsüktsü, tzünglu arutsü

New Delhi, April 16 (Agencies): India Meteorological Department (IMD)-i taruba anogo 3 nungi 4 tsüngda Maharashtra, Gujarat, Rajasthan, Punjab aser Haryana nung kanga tatsük asütsü ta tekümdangtsü osang metetdaktsüogo.
IMD-isa Bihar, West Bengal, Assam aser Meghalaya nung tsüngmok atena tzünglu tulu arutsü osang metetdaktsü.
Pakistan aser Rajasthan anolen tsütsü anti-cyclone ajanga India anüdoklentip tsütsü tatsük akümtsü ta department-isa ashi.
Taruba anogo asem-pezü tsüngda Rajasthan, West Madhya Pradesh, Saurashtra,Kutch, Vidarbha aser East Madhya Pradesh nung kanga atsüktsü aser iba mapang Jammu & Kashmir, Himachal Pradesh aser Uttarakhand nunga tatsük asütsü, ta IMD sangdong nung shia lir.
April 16 nung 18 tashi Assam, Meghalaya, Nagaland, Manipur, Mizoram aser Tripura nung tsüngmok atena tzünglu tulu arutsü, ta parnokisa metetdaktsü.
Maneni taruba ghonda 24 tsüngda Andaman islands nung cyclone Maarutha ajanga tzünglu kanga arutsü, ta IMD-isa shisem.