India aser Bhutan tsüngda Trade Agreement agitep

New Delhi, November 13 (Agencies) : Honibarnü India aser Bhutan tsüngda Agreement on Trade, Commerce & Transit agiogo aser iba ajanga linük ana tsüngda shishilembaba jenjang ajungketba dang masü saka Bhutan-i tanga linüktem den shishilembatettsü atema lenmang talila aika lapoktsür.
India Commerce Minister, Nirmala Sitharaman aser Minister for Economic Affairs, Royal Government of Bhutan, Tengye Lyonpo Lekey Dorji na tsüngda iba tenangzüktep agi, ta Commerce Ministry sangdong ka nung metetdaktsü.
“Linük ana tsüngda Trade Agreement ajanga shishilembaba inyakyim tajungba akümtsü aser Bhutan atema exit/entry points talila agütsür” ta sangdong nungsa shia lir.
Bhutan aser India tsüngdang mezüngbuba Agreement on Trade & Commerce ji 1972 küm agia liasü aser iba sülen iba Agreement pezüben tashi yanglushiogo.
Agreement tatembangba yanglushibaji July 28, 2006 nung liasü aser ibaji July 29, 2016 tashi atema liasü.