India aser Cambodia na tsüngda tezüngzüktep pezü agi

New Delhi, Aenjeti (January) 27 Agencies): Küptoknü India aser Cambodia linük na tsüngda tezüngzüktep agi, aser item tezüngzüktep rongnung ozüng alema inyakba mapatem nokdangba aser bushisüngdangba nung longjemer inyaktsü densema lir.
Ano India-i US sen million 36.92 intoka Cambodia nung Stung Sva Hab water resources development project inyaktsü atema sign sütep.
India Ato kilonser, Narendra Modi aser Cambodia Ato kilonser, Samdech Hun Sen na tsüngda senden amenba sülen linük ana tsüngda item tezüngzüktep agi.
Linük anatisa senior-level defence personnel exchange aser capacity building projects densema Defence nung tesendaktep tashi itshitsü bangjem.
Ato kilonser, Modi-i, “Onoki Cambodia linük den tesendaktep tashi itshitsü atema inyaktsü. Wat temple preservation ya India aser Cambodia naprong indang joint cultural heritage ka lir,” ta metetdaktsü.
Ano development partnership tashi itshitsü aser shishilembaba, investment, energy conservation, agriculture, tourism aser culture nunga amalitepa inyaktsü bangjema liasü.
India aser Cambodia natisa nisung shibelenba nokdangtsü atema tezüngzüktep agi, aser linük ana tsüngda iba kübok amalitepa inyaktsü.
Parnokisa 2018-2020 küm tashi nung cultural exchanges alitsü tezüngzüktep ka agi.
Ministry of External Affairs osang ajanga ashiba agi, India aser Cambodia tesendaktep ya 1st century AD nungi tenzük, iba mapang nungji Hindu aser Buddhist tamangba yimsü aser sobalibatem India nung adoka southeast Asia tesem balala nung prokshia liasü.