India aser Germany na tsüngda tezüngzüktep 17 agiogo

New Delhi, Yimpoksüi/November 01 (Agencies): Hokolbarnü New Delhi nung India aser Germany nati tezüngzüktep 17 agiogo, aser item rongnung aluyimba, maritime technology, ayurveda aser yoga densema lir, ta external affairs ministry-i metetdaktsü.
Iba dak alia strategic projects, green urban mobility atema partnership, research & development on artificial intelligence aser prevention of marine litter tsütsü amalitepa inyaktsü atema-a tezüngzüktep agiogo.
German Chancellor Angela Merkel-i anogo ananü atema India semdanga lir, aser lai ashiba agi, item tezüngzüktep agiba ajanga linük ana longjemer new & advanced technology tsütsü tejakleni aoba temaitsü sayur.
Iba dak alia ayurveda, yoga aser meditation tsütsü scientific & technological research ajungkettsütsü aser amalitepa inyaktsü atema linük anati tezüngzüktep agi, ta MEA-isa metetdaktsü.
Linük anati inland, coastal & maritime technology nunga amalitepa inyaktsü atema tezüngzüktep agi. Tanga tezüngzüktep rongnung agricultural technical & professional training, National Museum, National Gallery of Modern Art, Indian Museum,Kolkata, Prussian Cultural Heritage Foundation aser Stiftung Humboldt Forum (Berliner Schloss), iba denji külemi All India Football Federation (AIFF) aser Deutscher Fußball-Bund e.V (DFB) tsüngda tezüngzüktep agiba densema lir, ta kasa sangdong nung shia lir.