India aser Myanmar nati defence atema tezüngzüktep ka agiogo

New Delhi, Chiteni/July 29 (Agencies): India aser Myanmar na tsüngda defence tesendaktep tajungba akümtsü nükjidong nung Hombarnü linük anati defence nung amalitepa inyaktsü atema Memorandum of Understanding (MoU) ka sign süogo, iba tezüngzüktep kübok linük anati military training, joint surveillance aser maritime security nung amalitepa inyaktsü.
Myanmar nung northeast nung telungpur teloktem anema India aser Myanmar sepai nati senteper operation asoba sülen tang maneni linük anati defence tsütsü amalitepa inyaktsü atema tezüngzüktep agir.
Ano külen linük anati maritime nunga amalitepa inyaktsü atema bangjemba ya Myanmar anasa China sepaitem amenokba anema inyaktsü atema lir ta bilemer. China-i Sitwe anasa Kyaukpyu port nung terenlok projects aika inyakdar.
Minister of State for Defence, Shripad Naik aser Myanmar Commander-in-Chief of Defence Services (CDS), Senior General Min Aung Hlaing na Delhi nung senden ka amenba sülen iba tezüngzüktep ya agir.
“India nunger Act East Policy ajanga East Asian kidanger linüktem den tesendaktep yanglutsü atema Myanmar ya tongtibang tongshi ka lir. Tawa küm ishika tsüngda India-i Myanmar den defence nung tesendaktep tajungba yanglua arudar,” ta Ministry of Defence sangdong ka nung metetdaktsü.
Taküm India aser Myanmar sepaiatemi Myanmar nung telungpur teloktem anema shilem ana lemsar ‘Operation Sunrise’ agia liasü.