India-China arrtsü semdangtsü Rajnath apusoa ogo

Srinagar, September 22 (Agencies): Mongolbar nü Home minister Rajnath Singh-i India-China arrtsü nung Line of Actual Control (LAC) semdangtsü atema Jammu & Kashmir, Leh nungi apusoa ogo.
Union minister Rajnath-i Chushul aser Nobra nung LAC semdangtsü liasü, ajisüaka tsüngsang majungba ajanga sentong nung temelenshi tera adok, ta police ketdangser kati ashi.
Iba tesem ya Leh nungi kilometer 250 shi pilar lir.
Home ministry ketdangsertem aser district ketdangsertem dak alia Indo-Tibetan Border Police Director general Krishna Chaudhary nungera Rajnath miena ogo.
ITBP sepaitem ya Jammu & Kashmir, Ladakh region nung India-China arrtsü anüker sepaitem lir.
Rajnath Singh Hombar nü Leh tonga liasü aser pai ITBP ketdangsertem ajuruogo.
Jammu & Kashmir nung international arrtsü aser LAC naprongla ya paramilitary Border Security Force aser ITBP sepaitemi anüker.

You must be logged in to post a comment Login