India, China-i kiralongraba anema tezüngzüktep agitsüa akok

New Delhi, November 04 (Agencies): Taruba hopta Chinese Communist Party’s politburo züngsem, Meng Jianzhu-i New Delhi semdangba mapang India aser China nati security nung amalitepa inyaktsü atema tezüngzüktep ka agitsüa akok, koba ajanga senteper kiralongraba anema raratsü, ta osang ka ajanga ashi.
November 8 nü Meng-i India semdangtsü aser iba mapang linük anati security nung amalitepa inyaktsü atema tezüngzüktep ka agitsü südi.
Yaküm Union Home Minister,  Rajnath Singh-i Beijing semdangba mapang temaba jenjang nung senden ka amenba dak sentakba nung China ketdangseri tang linük semdangtsü.
Meng-i public aser linük telung security repranger aser pai India semdangba mapang Pakistan nung amenoka aliba kiralongrar teloktem, kiralongra infrastructure aser JeM tongti, Maulana Masood Azhar densema kiralongrar lenirtem aser Islamic State indanga jembitsü südi.
November 4 nü State Councilor, Yang Jiechi-i Hyderabad semdanga National Security Adviser, AK Doval ajuruba sülen Meng-i India semdanger asütsü.