India-China Joint training exercise agitsü

Pune (Maharashtra), November 13 (Agencies) : Pune nung November 15 nungi 27 nü tashi India-China Joint Training Exercise “Hand in Hand 2016” agitsü.
Indian Army aser People`s Liberation Army of China tsüngda iba ya 6buba Joint exercise asütsü, aser iba ya India aser China na nung melentepa akar.
Mezüngbuba exercise ji 2007 küm China, Kunming nung agia liasü aser tezüsabubaji October 15, 2015 nü China, Kunming Military Academy nung agia liasü.
Joint training agiba nükjidong ya telungpur tebilemtsü aser kiralongra anema drills aser practices lemsateptsü atema lir, aser ibaji ajanga linük ana army tem tsüngda tesentaktep tajungba akumba den külemi kiralongra anema asameyang sentong junga yangluteter.
Exercise `Hand in Hand 2016` ya shilem asem küma lemsar agitsü.
Mezüngbuba shilem nung raraba hadirtem indang angazükba asütsü, tanabuba shilemji nija hadir amshiba, house clearing, cordon, search & humanitarian aser disaster relief operations indang lir aser tasembuba shilemji joint exercise asütsü koba ajanga linük ana tsüngda sepaitem tesentaktep ajungtsü aser akhümtsübutep alitsü.