India den tesendaktep ajanga Nepal kanga ajangzükogo: Sher Bahadur

New Delhi/Kathmandu, August 12 (Agencies): India nunger nüjiso ngur küm 70 ajungba atema tenüngsang agüja tanü Nepal Ato kilonser, Sher Bahadur Deuba-i, India den tesendaktep ayuba ajanga Nepal kanga tajangzük kaogo, ta metetdaktsü.
India nunger 70buba Independence Day nüngtem nung Nepal yimtiba, Kathmandu nung aliba India House nung ayongba sentong nung jembidang pai iba o ya metetdakja liasü.
Bahadur-i, par sorkari ano maneni Nepal-India tensendaktep tali tashi ishitsü atema inyaktsü, ta metetdaktsü.
Kasa sentong nung India External Affairs Minister Sushma Swaraj-a liasü.
Kasa sentong nung Swaraj-ia, “India tanü iba jenjang nung aliba ya tangatetba balala liaka ibaji ajanga terenlok nung tetsükdaktsü magütsüba ajanga lir. Tanü onok ya alima nung democracy tulutiba dang masü saka alima nung kanga tejakleni aoba linüktem rongnung densema lir,” ta metetdaktsü.
BIMSTEC ministerial senden nung adentsü atema tang Swaraj Kathmandu-i oa lir.