Changsha, September 29 (Agencies): India’er basketball teloki tang China kübok Changsha nung tasayadak 28 buba FIBA Asia Championship quarterfinal nung shilem agitsü jenjang tanü Mongolbar nü ajangzükogo.
India teloki küm 12 nung tan mezüngsüa Asia Championships indang knock-out round nung shilem agitsü jenjang angur lir.
Tanü asayaba 2 buba round indang tatembangbuba asaya nung India teloki points 65-99 ngua Philippines telok madak takok mongutet saka taoba Deobar nü Palestine telok madak takok anguba densema India teloki taoba asaya 3 nung asaya 2 tashi akokba yong par teloki quarterfinal nung shilem agitsü jenjangji ngua liasü.
India teloki par quarterfinal asaya China aser Qatar na rong nung takok angur den asayatsü.
India FIBA Asia Championship quarterfinal tongogo added by nungsang on
View all posts by nungsang →
You must be logged in to post a comment Login