India hockey junior team-i Germany 3-0 agi akok

Breda (The Netherlands), July 18 (Agencies) : Honibar nü ‘Volvo Invitational Under-21 Hockey Tournament campaign’ nung India junior team-i Germany junior team madak 3-0 agi kanga junga takok nguogo.
India junior tem nung mezüng goal ji Armaan Qureshi-i minute 29 buba nung yok, tanabuba goal ji captain Harjeet Singh-i minute 46 buba nung yok aser tasembuba goal ji Harmanpreet Singh-i minute 52 buba nung yok.
Minute 29 buba nung mezüng goal yokba sülen goal ka danga meyoki half-time atong aser tanüngba goal anaji half-time sülen ang yok.
Iba asaya nung mezüng yongi India nungeri kangasa junga azüoka asaya mesoba ajanga Germany nungeri kanga meranga asayaka goal ka danga meyokteti asaya tembang.
Deobar nü India o New Zealand na tsüngda asayatsü.