India hockey Paul van Ass mapa nungi anentsüogo

New Delhi, July 20 (Agencies): India hockey nung ‘chief coach’ ka ama shimer ita pongu dang lir külen Paul van Ass iba mapa nungi anendaktsüogo.
Netherland nunger, Van Ass ya kechiba iba menden nungi anendaktsü’ar, Hockey India ajanga ano kecha memetetdaktsü.
Deobar nü Sports Authority of India (SAI) Shilaroo, Himachal Pradesh nung India hockey team championship asayamung tenzük nü mapang shitak nung marüba nü nungi tenzüker Van Ass ya India hockey team den talang kabo melitettsü südi, ta bilema liasü.
Iba den külemi tawa tembangba Hockey World League Semi-Final, Antwerp, Belgium nung India team asayaba osang tejangja magütsütetba ajanga pa coach mapang nung anendaktsü südi, ta aikati bilemer.
Osang ajanga ashiba agi, World League asayamung nung Malaysia den quarter-final asayali, ain tatsüsang, Van Ass-i Hockey India Tir Narinder Batra dena lokti ajak lia raratepa liasü.
Osang ajangsa ashiba agi, asaya temli-i Batra asaya tesemi ai aser asayartem den o kar jembia alidang Van Ass-i pa dangi arur asaya tesem nung oang, ta ashi, koba ajanga HI Tir mepeladaktsü.