India hockey team-i 4-1 agi Malaysia akok, Bronze angu

Melbourne, November 27 (Agencies) : Linük pezü hockey asayamung nung Deobarnü tasembuba jenjang atema India aser Malaysia na tsüngda asayadang India 4-1 agi koka Bronze medal nguogo.
India atema goal pezüji Akashdeep Singh, V.R. Raghunath, Talwinder Singh aser Rupinder Pal Singh nungeri minute minute 2, 45, 52 aser 58bubatem nungsa yoka liasü. Malaysia atema goal kaji Joel van Huizen-i yok.
Iba asaya tetenzük nungi India-i tajungba asayaa liasü aser tesüsabuba quarter nung parnoki goal ana yoka iba talok tulu angu.
Honibarnü semi final asaya nung India aser New Zealand na asayadang India-i tamakok angu.