India Hockey telok World No. 6 akümer

FIH Rankings

New Delhi, November 07 (Agencies): Tanü, Honibar nü tesüsa adoktsüba International Hockey Federation (FIH) telok tarensen nung India’er tebur hockey teloki 6 buba jenjang anguba osang jangjaogo.
Asian Games champions, India teloki Belgium aser New Zealand na ajangteta temaleni jenjang 2 tashi atutsü jenjang ngua tang World No. 6 akümer lir.
England aser Argentina nata temaleni jenjang kaka tua tang 4 buba aser 5 buba jenjang nung aliba osang jangjaogo.
Ano, Australia, Netherlands aser Germany nunger marakzüi maneni 1 buba, 2 buba aser 3 buba jenjang nung lir.
Tetsür telok tarensen nunga India tsürtem 13 buba jenjang nung aliba osang jangjaogo.
Olympic & World champions, Netherlands tsürtem 1 buba, Australia tsürtem 2 buba aser Argentina tsürtem 3 buba jenjang nung lir.
African Hockey Championships 2015 tembangba sülen tesüsaba asayar telok tarensen ya tan metetdaktsür lir.