India HWL Final 2015 semifinal tongogo

Raipur, December 03 (Agencies): India teloki goal 2-1 agi Britain madak takok ngua tang tasayadak Hockey World League (HWL) Final asayamong semifinal asayatsü jenjang tanü Brehostibar nü nguogo.
VR Raghunath aser Talwinder Singh nati minute 19 aser 39 buba na nung goal ka ka agüja India nem takokba bener arutsü.
Simon Mantell-ia minute 52 buba nung goal 1 agütsü saka par Britain teloki tanü tamakok ajurutsüsa aküm.
World No. 6, India-i Argentina aser Belgium na tsüngda tan Honibar nü asayatsü aliba asaya nung takok angur den semifinal nung ajuruteptsü.