India-i 2018 Commonwealth Judo Championships ayongtsü

New Delhi, April 26 (Agencies): India-i ayonga 2018 Commonwealth Judo Championships Jaipur nung asayatsü renemba den külemi, Asian Cadet aser Asian Junior Judo Championship-a Kerala nung taküm September ita ayonga agitsü renemogo.
South Africa kübok Port Elizabeth nung tan April ita 23 nü amenba Commonwealth Judo Congress senden nung shilem agirtemi Commonwealth Judo Championships tetoktepba India nung ayonga asayatsü asoshi lemzükja liasü.
“Commonwealth Judo Championships ayongtsü asoshi Judo Federation of India (JFI) nem maongka tulu agütsüba atema kanga pelar,” ta JFI nung General Secretary, Man Mohan Jaiswal-ia metetdaktsü.
Commonwealth Judo Championships ya Commonwealth Judo Associations (CJA)-i küm ana nung ken ayongba tongti tetoktepba ka lir aser iba tetoktepba kübok Cadets, Junior, Seniors, Masters aser tenük agi junga mangur Judo asayartemi toktepa shilem agir.
Tan ayongtsü lemzükba ya India-i tan mezüngsüa Commonwealth Judo Championships ayongtsü maongka angur lir.
Iba tetoktepba ayonga agiba jakdang, India’er Judo asayartemi Kerala kübok Kadvanthaa nung taküm September ita agitsü renemba 10 buba Asian Cadet Judo Chmapionship aser 17 buba Asian Junior Judo Championships na nung toktepa shilem agitsü terenemshiba agitsü tenzükogo.