India-i ‘Agni-I missile’ takok ngua tendangogo

November 27 (Agencies): Odisha tzükümlen aliba ‘Abdul Kalam Island’ nung India-i Agni-I missile takok ngua tendangogo.

Iba missile yagi kilometer 700 pilar aliba ‘target’ nung kanga mezünga kahshir aser Strategic Forces Command (SFC) training den sentaktepa tanep 10:02 ako nung Integrated Test Range (ITR), pad-4 ajanga tendanga liasü.

Defence ministry sangdong ka ajanga ashiba agi, iba tendangba kanga takok ngua agitetogo.

“Iba tendangba ya SFC training den sentaktepa agi,” ta ketdangsertemia ashi.

Iba misslie ya metre 15 talang aser second nung kilometer 2.5 kara ao’er.

Tonne 12 taret, Agni-I missile ya army raradang amshitsü melaogo aser iba ya January 25, 2002 nü mezüng tendanga liasü. Iba missile ya gari lenmang aser rail mobile launcher tem nungia kahtettsü.