India-i Agni-II Ballistic Missile takok ngua tendangogo

Bhadrakh (Odisha), May 04 (Agencies): Brihostibar anepdang 10:22 ako nung Odisha, Dhamara nung aliba A.P.J Abdul Kalam asetkong nung India-i Agni-ll Ballistic Missile takok ngua tendangogo, ta osang ka ajanga metetdaktsü.
Tamalenbo A.P.J. Abdul Kalam Azad Island dang ya Wheelers Island ta jaa liasü. Iba nuclear missile ya kilometer 2,000 tashi khadoktettsü.
Meter 20 talang Agni-II missile ya stage ana- solid propelled ballistic missile lir. Iba missile touzük ya ton 17 lir aser kilometer 2,000 tashi seret 1,000 bentettsü.
Agni missile series ya DRDO-i yanglur aser iba ya nuclear tashi aliba kidanger linüktem anema yangluba lir.